|
| 最近都冇咩好做,咁岩柏濠就約左我同BillBill去釣墨魚,所以就報左旅行團去西貢釣墨魚,不過E個就係惡夢的開始...
個團就係今晚7點上船,我同BillBill就早到左成2個鐘,所以只好同佢行左2個鐘西貢,到左差唔多7點,終於等埋柏濠可以上船啦,諗住行左咁耐,終於可以上船啦,真係好開心!!
第一個惡夢黎啦...上左船之後,周圍睇下,都幾好WOR,唔係太多人,唔使同人迫,等到隻船開左,都發覺唔到有咩唔對路,坐左一陣,有人突然間問我地3個:你地係邊個呀???聽到之後,有D奇怪,有咩好問呀!!我地咪團友LOR,D人就話:團友,咩團呀??我地係自己包船架WOR.聽到佢地咁講,就知道大獲啦!!!!!!!!!原來我地3個上錯左人地隻船,仲搞到要人駛返到碼頭到,點知我地隻船係已經開左啦=.=
最後我地隻又要駛返黎碼頭接我地3個,真係要叫救命呀!!
第2個惡夢緊接其後,一上到隻船,同我地上錯個隻船有天壤之別,多人到連位都冇得坐,就連食飯都要企係到,咁都唔緊要啦,不過最慘就係仲要落緊大雨,俾人迫左出船尾企,不停咁淋雨,對於我自己黎講,其實都冇咩所謂GE,但係更慘GE事就係我暈船浪,架船係咁浪下浪下,返到黎屋企就係浪下浪下,真係生不如死呀...
係E個時候,可能係個天體諒我,釣到3條墨魚,不過條條都淨係得隻尾指咁大,都總好過冇,我個3條墨魚最後連相都影唔到,就俾人蒸左黎食,不過好彩BillBill都釣到一條,仲俾佢帶左返屋企喂烏龜...  譚先生的戰利品
 係咪好恐怖呢！！
| | |
| 最近2日都唔係幾舒服,有d感風(都唔知係咪俾wing感染到啦)所以一直都冇打xanga,而家補返黎多謝大家. 今年18歲啦,唔認老都唔得啦,不過今年生日都過得好開心,有咁多人同我講生日快樂同埋同我一齊過,多謝哂long本電腦書,皇帝件屎3,冼,wing,ivy同ka支古龍水,黃紫澄盒maltesers,Jenelle盒KERORO,beegei同肥堅個cake,仲有KI個杯整左3日ge啫理,最特別都係lily拖左我2年ge倉鼠,仲要多謝小森,劉宇黎同我一齊過生日,特別係馬doy,2個人一齊過生日,都幾好呀,希望你都覺得開心啦,應該冇數少左啦.今年生日都算得上大豐收呀!!!姑媽送左部notebook,阿爸同阿媽送左部電話 豐收豐收,hoho. 講返lily隻倉鼠,原本諗住叫佢做旺財ge,不過大家都反對(淨係得皇帝讚好,唔通大家都唔覺得個名好有氣勢咩!!!!),所以最後決定左改名啦,就叫做芝麻啦,黑黑地,都幾襯佢呀,不過隻野成日都好似好悶咁,遲d買野女仔陪下佢先... p,s感謝所有同我講生日快樂ge朋友 | | |
| 開始放暑假lo~~~~(其實都開始左幾日啦= =) 今日去盈盈屋企玩,有咩玩??當然就係打牌啦,今日足足打左4-5個鐘,都好耐冇打過啦,不過再次出戰ge後果就係:輸死左!!!!!!輸左20幾蚊,不過shirley仲多,都有返d安慰~大贏家係ivy&lily仲有劉宇,加埋應該贏左50幾啦,都唔知係咪出千架,下次要同佢地講出千係唔好架,唉!!! 打到5點幾之後,就玩大富翁,情況就開始有變啦,不過可惜大富翁唔計錢,如果唔係都可以贏返d,下次同佢地提議下先得,今日都算過得幾好玩啦(如果可以贏錢就會更好),下次再去記住再叫我啦!!! | | |
| 今日考左文化卷,唔知大家考成點呢!? 相信唔使問都知道大家除左尋日ge英文之外,又再次受到打擊了. "讀書冇用"皇帝考完之後ge金句,我都好認同.都唔知尋日讀左成日做咩!!!!! 今日揀左第2同第3題,除左第2題用左少少仁義禮智之外,其他都唔使用書. 而家學校係鼓吹緊大家唔好溫書,淨係靠吹水就夠嗎?? 可能係我唔識做啦,我第3題完全唔使用書到任何內容.完全地失望呀!! 而家科科都係通識呀....... | | |
| hey~大家,又係我呀,好耐冇見啦,都有個幾月冇打過xanga啦,又係時侯打下啦..hoho 尋晚終於下定決心,將電腦所有online game 刪哂啦!!鳴鳴....要同我d game講拜拜啦,真係唔係幾捨得,不過冇辦法啦,就黎考試,唔可以再成日一邊打機,一邊溫書啦,不過當我刪哂d online game之後,我竟然又走左去討論區,download左好多pc game呀!!!!!!紅色警戒3,godfather2,模擬飯店 2,Bully Scholarship Edition,一次過dl左差唔多20gb,唉....睇黎我都係冇得救架啦,岩岩仲玩左陣紅色警戒3. 不過我今日進度都算幾好啦,今日落左樓下自修室到,溫左一個下午,心中ge罪惡感減輕左好多,今日溫左中史ge史學史,成日下午都淨係溫左史學史,都算係咁架啦,如果係屋企,睇怕都淨係溫左紅色警戒炸,溫完之後都差唔多6點,過左一陣,阿媽話落去打邊爐,熱辣辣仲去打邊爐,不過都好,唔使食佢煮d野,而家落去食野啦,再見啦大家....希望大家努力d準備考試啦,好似我咁勤力就得架啦,加油!!!!! | | |
|
